7.1.1 «Manzilgacha bo’lgan masofa» belgisi
belgisi qora hoshiyali to‘g‘ri to‘rtburchak shaklda. To‘rtburchak markazida obyektgacha bo‘lgan masofani ko‘rsatuvchi raqam yozilgan. 7.1.1 «Obyektgacha bo‘lgan masofa» belgisi belgidan yo‘lning xavfli joyi, yo‘l harakatiga tegishli cheklovlar kiritiladigan joyi yoki harakat yo‘nalishi bo‘yicha oldindagi muayyan joygacha bo‘lgan masofani ko‘rsatadi. 7.1.1 belgisi juda kam, lekin ba’zan ogohlantiruvchi belgilar bilan belgi o‘rnatilgan joydan yo‘lning xavfli qismining boshigacha bo‘lgan masofani kamaytirish yoki oshirish maqsadida qo‘llaniladi. Shu sababli, shuni ta’kidlash kerakki, «Obyektgacha bo‘lgan masofa» belgisidan foydalanish orqali, ogohlantiruvchi belgilarini o‘rnatishning umumiy qoidalari bekor qilinadi. Darhaqiqat, aholi punktlarida uchburchak shakldagi ogohlantiruvchi belgilar yo‘lning xavfli qismidan 50–100 m oldin, aholi punktlaridan tashqarida esa 150–300 m masofada o‘rnatiladi. 7.1.1 belgisi uchburchak shakldagi ogohlantiruvchi belgilar bilan qo‘llanilganda, u yo‘lning xavfli qismigacha bo‘lgan alohida masofani ko‘rsatadi. Bu yo‘l harakati xavfsizligini ta’minlash, haydovchini yo‘lning xavfli qismiga yaqinlashish to‘g‘risida o‘z vaqtida ogohlantirish uchun amalga oshiriladi.
7.1.1 «Obyektgacha bo‘lgan masofa» belgisi boshqa guruhlardagi belgilar bilan ham qo‘llanlishi mumkin. Masalan, taqiqlovchi belgilar bilan, bu holatda cheklov taqiqlovchi belgi o‘rnatilgan joydan emas, balki biroz keyinroq, belgida ko‘rsatilgan masofadan keyin kuchga kirishini bildiradi. Xuddi shunday, bu belgi axborot ko‘rsatkich belgilari bilan ham ishlatilishi mumkin.
7.1.1 belgisining ma’nosini tushunishni osonlashtirish uchun uning mazmunini «...dan» kelishigi bilan bog‘lash mumkin, masalan: belgida ko‘rsatilgan ma’lum masofa dan keyin qandaydir tartib (asosiy belgi bilan belgilanadi) joriy etilishini bildiradi.