5.38 «Turar-joy dahasi» belgisi
Bu belgi yo'l harakati qoidalarining turar joy dahalarida harakatlanish tartibi o'rnatilgan yo'lni bildiradi.
Turar joy dahalarida piyodalar trotuardan tashqari yo'lning qatnov qismida ham harakatlanishlari mumkin.Bunda piyodalar imtiyozga ega bo'ladi.
Bu belgi o'rnatilgan yo'llarda transport vositasi haydovchilariga dvigatelni ishlatib turgan holda to'xtab turish, mexanik transport vositasini boshqarishni o'rgatish va maxsus maydon bo'lmasa, to'la vazni 3.5 tonnadan ortiq bo'lgan avtomobillarning to'xtab turishi taqiqlanadi.
Yo'l belgisi qoidasiga amal qilmaganlik uchun eng kam oylik ish haqining 0,5 baravari miqdorida ma'muriy javobgarlik belgilangan.