1.14 «Tik balandlik» belgisi
Bu belgi aholi punktlarida 50 - 100 metr, aholi punktlaridan tashqarida esa, 150 - 300 metr masofada, yo‘lning tik balandlik qismi oldidan o‘rnatiladi va transport vositasi harakatlanayotgan yo‘lda tik balandlik borligi haqida haydovchini ogohlantiradi. Bunda haydovchi kerakli uzatmani ulagan holda belgilangan tezlik me'yorini saqlab, harakatlanishi kerak. Aks holda, transport vositasi to‘xtab qolib, o‘z og‘irligi bilan orqaga harakatlanib ketib qolishi va harakat xavfsizligiga tahdid solishi mumkin.