7.13 «Asosiy yo’lning yo’nalishi» belgisi
belgisi qora hoshiyali to‘g‘ri to‘rtburchak shaklda. To‘rtburchak markazida asosiy yo‘lning yo‘nalishini ko‘rsatuvchi qalin va ikkinchi darajali yo‘lni ko‘rsatuvchi ingichka chiziqlar tasvirlangan.
Haydovchiga chorrahada asosiy yo‘l yo‘nalishini o‘zgartirayotgani haqida xabar berish uchun 7.13 «Asosiy yo‘lning yo‘nalishi» belgisi qo‘llaniladi. U faqat uchta imtiyoz belgilar bilan ishlatilishi mumkin: 2.1 «Asosiy yo‘l», 2.4 «Yo‘l bering!» va 2.5 «To‘xtamasdan harakatlanish taqiqlangan».
Ushbu belgining ma’nosi oddiy: chorrahada asosiy yo‘l va uning yo‘nalishi qalin chiziq bilan ko‘rsatilgan, mos ravishda ikkinchi darajali yo‘l ingichka chiziqlarbilan berilgan. Yo‘l harakati qoidalari ushbu belgidagi chorraha ko‘rinishi imkon qadar haqiqiysiga yaqin bo‘lishini talab qiladi. Ushbu talabning amalga oshirilishi haydovchilarning harakatlanishini sezilarli darajada osonlashtiradi.
Agar 2.1 «Asosiy yo‘l» belgisi boshqa belgilar bilan qo‘llanilmagan bo‘lsa, bu asosiy yo‘l to‘g‘ri ketayotganini anglatadi. Agar asosiy yo‘l burilsa, belgining yonida 7.13 belgisi o‘rnatiladi, unda qalin qora chiziq asosiy yo‘lning trayektoriyasini aniq ko‘rsatadi. Haydovchilar ushbu belgilar talablariga faqat tartibga solinmagan chorrahalarda yoki agar tartibga solingan chorrahada svetofor ishlamay qoladigan yoki doimiy miltillovchi sariq ishoraga o‘tadigan vaziyat yuzaga kelsa, amal qilishlari kerak. Ya’ni, svetofor ishlayotgan paytda biz unga va faqat unga bo‘ysunamiz. Svetofor o‘chgan zahoti 2.1 va 7.13 belgilari kuchga kiradi. Asosiy yo‘lning yo‘nalishi chorrahada o‘zgarganda, asosiy yo‘lda harakatlanayotgan haydovchilar o‘zaro teng ahamiyatli yo‘llar chorrahasidan o‘tish qoidasiga amal qilishlari kerak. Ya’ni, teng ahamiyatga ega bo‘lgan yo‘llar kesishgan chorrahada relssiz transport vositasining haydovchisi o‘ngdan yaqinlashayotgan transport vositalariga yo‘l berishi shart. Bu qoidaga tramvay haydovchilari ham o‘zaro amal qilishlari kerak. Ikkinchi darajali yo‘llarda harakatlanayotgan haydovchilar ham o‘zaro shu qoidaga amal qilishlari kerak. Bunday chorrahalarda keyingi harakat yo‘nalishidan qat’iy nazar, tramvay relssiz transport vositalariga nisbatan oldin o‘tish huquqiga ega bo‘ladi.