7.18 «Nogironlar mustasno» belgisi
Ushbu qo'shimcha axborot belgisi to'xtash va to'xtab turishni taqiqlovchi belgilar bilan birga qo'yiladi. Bu esa mazkur taqiqlovchi belgilarning "Nogiron" taniqlik belgisi o'rnatilgan transport vositalari va motokajavalarga amal qilmasligini anglatadi. Demak, bunday joylarda "Nogiron" taniqlik belgisi bor haydovchilar to'xtashlari yoki to'xtab turishlari mumkin bo'ladi.
Yo'l belgilari ma'nosi jihatdan o'zaro bir – biriga zid kelgan hollarda, haydovchilar vaqtinchalik o'rnatilgan belgilarga amal qilishlari kerak.